2025 national budget sa nasud miabot og P6.35-T

Mokabat sa P6.35 trilyon ang proposed 2025 national budget sa nasod.

Matod ni Budget Secretary Amenah Pangandaman nga mas taas kini og 10.1 porsiyento sa 2024 budget nga adunay P5.767-T.

Gidugang niini nga ang sektor sa edukasyon, kahimsog, proteksyon sa katilingban ug agrikultura adunay dako nga bahin sa badyet.

Gidepensahan pa niini nga mas taas kini og 10.1 porsyento tungod sa midterm elections sunod tuig, ingon man ang mas taas nga National Tax Allotment ug ang bag-ong balaod nga nagpataas sa allowance sa mga magtutudlo.

Gikatakda kini nga ipresentar karong Hulyo 2 sa cabinet meeting ni Presidente Ferdinand Marcos Jr. ug ipresentar sa Kongreso karong Hulyo 29 usa ka semana human sa State of the Nation Address sa Presidente.