PROVINCE OF CEBU- Adunay 287 lang ka titulo sa yuta ang nahatag sa 204 ka agrarian reform beneficiaries (ARBs) gikan sa Probinsiya sa Sugbo.
Ang awarding ceremony gihimo sa Uypitching Multipurpose Hall, Valencia, Negros Oriental niadtong Biyernes Hulyo 7, 2023, sa samang adlaw nga gipirmahan ni Presidente Ferdinand Marcos Jr. ang Republic Act 11593, o ang New Agrarian Emancipation Act, nga nagkonsentir sa tanang wala mabayri nga amortization, lakip na ang interes ug surcharges, para sa nahatag nga yuta ubos sa Comprehensive Agrarian Reform Law ug uban pang agrarian reform laws.
Adunay kinatibuk-ang 32,441 ka titulo sa yuta ang nahatag sa kapin sa 23,000 ka ARBs, apil na ang gikan sa Probinsiya sa Sugbo.
Nasayran nga sa Sugbo, ang mga titulo sa ARBs naglangkob sa kinatibuk-ang 265.5481 ka ektarya, nga mikaylap sa walo ka local government units: Barili, Bogo City, Carcar City, Carmen, Catmon, Danao City, Medellin ug Tabogon.
Adunay 71 ka electronic land titles (e-titles) ubos sa Support Parcelization of Lands for Individual Tilting project nga gihatag ngadto sa 50 ka ARBs sa Danao City, nga naglangkob sa 50.0109 ka ektarya nga yuta.
