Patay ang usa ka 21-anyos nga dalaga human kini gidunggab sa makadaghang higayon sa iyang kanhi-hinigugma sa Purok 4, Brgy. Poblacion, Lungsod sa Sibonga kagahapon, Sabado, pasado alas 10:20 sa buntag. Agosto 1, 2026.
Ang biktima mao si alias “Riza”, 21-anyos, college student, kasamtangan nagpuyo sa Purok 4, Barangay, Poblacion, Lungsod sa Sibonga.
Samtang ang suspek mao si alias “Lex”, hamtong ang panuigon, kanhi-hinigugma, college student, nagpuyo sa Purok 13, Barangay Tubod, Lungsod sa Sibonga.
Base sa initial nga imbestigasyon sa kapulisan sa Sibonga, gikataho nga gidunggab sa liog ang biktima samtang ang suspek misuway pagkutlo sa iyang kaugalingon pinaagi sa pagdunggab sa iyang liog ug dughan.
Atol sa pagka-ugkat sa maong biktima, patay na kini samtang aduna pay panimuot ang suspek hinungdan dali kining gidala sa Carcar City District Hospital
Sapagkakaron, padayon pa ang imbestigasyon sa kapulisan sa maong insidente. via Bombo Rexmond Omega
