-- ADVERTISEMENT --
Gipatawag sa Criminal Investigation and Detection Group (CIDG) sa Philippine National Police (PNP) ang 21 ka mga indibidwal aron maghatag og katin-awan mahitungod sa usa ka kargamento sa ilegal nga droga nga nasakmit sa Laos, nga gituohang paingon unta sa Pilipinas.
Matod ni PCol. Allen Rae Co, hepe sa Public Information Office (PIO) sa PNP, ang maong lakang gihimo aron madungog ang ilang habig sa istorya.
Giklaro ni Co nga ang pagpatawag kanila wala nagpasabot nga ang maong mga indibidwal nalambigit gayod sa krimen.
Ingon man nga ang mga subpoena gipagawas isip kabahin sa imbestigasyon sa kapulisan mahitungod sa 521 ka kilo nga shabu o methamphetamine nga nasakmit sa Laos.
