21 patay sa car bomb attack sa usa ka mosque sa Pakistan

Moabot sa 21 ka tawo ang namatay human sa pag-atake gamit ang sakyanang adunay bomba sa usa ka mosque sa amihanan-kasadpang bahin sa Pakistan.

Lakip sa mga nakalas ang 15 ka pulis ug usa ka upat ka tuig ang panuigon nga bata.

Dugang pa niini, kapin sa 100 ka tawo ang naangol sa maong bangis nga insidente.

Nahitabo ang pagpamomba samtang nag-ampo ang mga tawo sulod sa mosque.

Gawas niini, namusil usab ang mga armadong suspek sa usa ka pasilidad sa kapulisan sa Kohat City nga nahimutang sa probinsya sa Khyber Pakhtunkhwa.

Mipasalig si Pakistan President Asif Ali Zardari nga hatagan og hinanaling tabang ang mga biktima ug ang ilang mga pamilya.

Apan, hangtod karon, wala pay bisan kinsang grupo ang miangkon sa responsibilidad sa maong pag-atake.