Niabot na sa 215 ang kinatibuk-ang ihap sa mga kongresista nga mibotar sa impeachment ni Bise Presidente Sara Duterte.
Kini gikan sa gidaghanon sa mga magbabalaod kay anaa sa 318.
Sa nasangpit nga gidaghanon, 255 ang mga magbabalaod gikan sa mga distrito ug 63 ka mga magbabalaod gikan sa mga party list.
Kini nagpasabot nga ang House of Representatives milapas sa target nga gidaghanon nga 102 lamang.
Sa pag-abante sa impeachment sa Kamara, one-thirds lang sa tanang membro sa Kamara ang gikinahanglan aron mapadayon ang impeachment complaint.
Tungod niini, gipili na sa ubos Balay balauranan ang ilang mga piskal.
Ania ang mga pinili nga prosecutors:
Rep. Gerville Luistro,
Rep. Romeo Acop,
Rep. Rodge Gutierrez,
Rep. Joel Chua,
Rep. Raul Angelo Bongalon,
Rep. Loreto Acharon,
Rep. Marcelino Libanan,
Rep. Arnan Panaligan,
Rep. Isabel Maria Zamora,
Rep. Lawrence Defensor, ug
Rep. Jonathan Keith Flores
Gumikan niini, gipaabot nga ipadala sa Senado ang kopya sa verified complaint.
Sa higayon nga madawat na nila, magtigom ang mga senador isip Impeachment Court aron husayon ang kaso.
Sa laing bahin, wala pa moluwat og pamahayag ang buhatan ni VP Sara Duterte karong orasa.
