Cebu City– Nagpakitabang karon si Cebu City Councilor Dave Tumulak ngadto na sa Department of Health ug sa Bureau of Jail Management and Penology kon BJMP aron nga ma aksyunan dayon ang pagsaka sa kaso sa human immunodeficiency virus kon HIV sa mga inmates sa Cebu City Jail.
Matud ni Tumulak nga gikinahanglan nga ipaubos sa eksaminasyon ang tanang piniriso sa maong prisuhan aron masuta kon aduna pa bay laing natakdan sa maong sakit gawas sa 136 inmates nga una ng nag positibo. Dako usab ang pagtuo nin ini nga daghan pang mga piniriso sa Cebu City Jail ang infected sa HIV ugaling ipaubos sa HIV test.
Gihulagway usab ni Tumulak nga usa ka impyerno ang maong jail facility sanglit personal mismo nga nakita ni ini ang makaluluoy nga kahimtang sa mga masakiton nga mga piniriso nga ana sa ilang mga selda. Gitataw ni Tumulak nga bisan pa man og piniriso kini sila , nagakaangay sa gihapon nga mahatagan sila og igong pagtagad hilabi na nga mga botante usab sila sa dakbayan sa Sugbo.
Gisugyot usab ni ini sa Jail warden sa maong jail facility nga pahugtan pa ang monitoring sa mga lihok sa mga inmates hilabi na sa gikaingong pakighilawas sa mga lalaki nga piniriso sa ilang kaubanang lalaki sulod mismo sa prisuhan. Nsayran nga ang pakighilawas sa mga lalaking piniriso hilabi na sa mga mahuyang nilang kauban ang usa sa mga gitumbok nga hinungdan sa pagkatap sa HIV sa mga piniriso gawas pa sa padayon nga paggamit ug illegal drugs partikular na ang nubain diin gipasa-pasahan lang nila nga syringe nga gigamit.
Mangayo usab og tabang si Tumulak ni Cebu City Mayor Tomas Osmeña sa kung unsay matabang sa Cebu City Government sa BJMP nga maoy nagdumala karon sa Cebu City Jail.
