CEBU CITY- 24 ka mga balay ang gilamoy sa kayo human mitumaw ang sunog sa Sitio Ipil-Ipil Brgy. Mambaling niining dakbayan pasado ala una kaganihang kaadlawon.
Kini ang gibutyag ni SFO1 Richard Susidon sa Bureau of Fire Protection sa dakbayan sa Sugbo.Sigon niini nga nadawat nila ang alarma ala 1:45. Gisaka kini sa second alarm alas 2:02 ug gisaka sa third alarm alas 2:13. Samtang gi-declare kini nga under control alas 3:39 karong buntag.
Basi sa initial nga investigation, nagsugod ang kayo sa panimalay ni Jim Marc Gonzaga ug tungod kay ginama lamang sa light material ang kasikbit usab nga mga balay hinungdan nga dali’ng mikatap ang kayo.
Gibana-bana nga muabot sa 150,000 pesos ang danyos samtang dunay 3 ka balay ang partially burned.Under investigation pa usab ang hinungdan sa maong sunog.Wala hinooy gikataho nga naangol o namatay sa maong insidente.
