CEBU – Sikop ang usa ka 25 anyos nga lalaki sa may Balaga Drive, Barangay Labangon, dakbayan sa Sugbo pinaagi sa gihimong operasyon sa Cebu City Drug Enforcement Unit (CDEU) nga gipangolohan ni Police Major Jonathan Taneo.
Giila ang dinakpan nga si Robero Bakud, 25 anyos, minyo, walay trabaho ug residente ra usab sa moang dapit.
Nakuhaan si Bakud ug 1.75 kilo sa gidudahang shabu nga gipasulod pa sa usa ka refined Chinese tea bag diin gibana-banang mokantindad ngadto na sa P6.9 M.
Gibutyag sa suspetsado nga nagsugod kini pagpamaligya dihang miigo ang Bagyong Odette sa Sugbo niadtong miaging tuig tungod na usab sa kalisud sa kinabuhi.
Wala usay trabaho ang asawa niini ug nadani kini sa P10,000 nga ganti kung makabaligya o makahatod kini og tagsa ka kilong shabu.
Puno sa pagmahay si Bakud sa gihimong ilegal nga buluhaton ug nagkanayon nga andam kini mokooperar sa kapulisan apan aduna kiniy kahadlok.
Gibalhog na si Bakud sa mabunaw nga selda ug gihikayan og kasong kalapasan sa RA 9165 o Comprehensive Dangerous Drugs Act of 2002.
