THAILAND-Mokabat sa labing menos 25 ka mga estudyante ang namatay human ang usa ka bus nga gisakyan sa 44 ka mga bata nasunog sa Bangkok,Thailand.
Naglakip kini sa 20 ka mga bata ug tulo ka mga magtutudlo gikan sa school trip.
Matod ni Transport Minister Suriyahe Juangroongruangkit nga ang nasangpit nga bus gipadagan sa delikadonh compressed natural gas.
Basi sa mga nakakita sa aksidente, ang bus nahagsa sa konkretong barrier sa highway nga nahimutang sa amihanang Bangkok.
Hingpit nga nasunog ang bus hinungdan nga daghang mga biktima ang wala dayon makagawas.
Samtang daling gidala sa tambalanan ang 16 ka mga tinun-an ug tulo ka magtutudlo nga naluwas sa insidente.
Naglisod usab sa pag-ila ang mga otoridad sa mga biktima tungod kay hingit na usab sila nga nangasunog.
Sa pagkakaron, padayon pa nga gisusi ang hinungdan sa maong insidente.
