Gipasabot ni nga human nga miigo ang Bagyong Tino sa dakong parte sa Sugbo niadtong Nobyembre 4, 2025, nakig alayon ang Department of Social Welfare and Development (DSWD) sa mga nagkadaiyang Local Government Unit (LGU), kinsa ang LGU mao ang gikonsiderang mas nakaila sa ilahang matag konstitwento, hinungdan nga mao ang nangulo sa pag panglista sa mga indibiwal nga biktima sa maong bagyo sa kategoryang Partially damaged ug totally damaged.
Mao kini ang gitino ni Shalaine Marie Lucero, ang Regional Director sa DSWD-7, atol sa eksklsibong pakighinabi sa Bombo Radyo Cebu kaniya mahitungod sa kung unsa ang pamaagi sa pagpang apod-apod sa mga ayuda sa mga biktima sa Bagyong Tino.
Dugang ni Lucero, gikan sa LGU ang paglista ug ang maong lista gipasa kini sa buhatan sa DSWD pamaagi sa porma o template kung asa isulod ang mga pangalan, address ug uban pa.
Gani, gitataw pa niya nga ang matag panglista sa LGU, aduna kini cut-off date.
Dugang pamahayag ni Lucero nga sa higayon nga ma-comply na sa LGU ang tanang lista, mao kini ang sumbanan sa DSWD kung si kinsa ang qualified nga makadawat sa emergency cash transfer.
Diin, kini, nagpasabot nga ang mga indibidwal nga nakadawat sa maong hinabang, gabasi lang ang DSWD sa lista nga gitanyag sa matag LGU.
