CEBU CITY-Gideklarar nga state of calamity ang 28 ka bukirang barangay sa dakbayan sa Sugbo isip tubag sa nagkagrabeng epekto sa nagpadayong El Niño phenomenon.
Kini nga desisyon miabut human ang usa ka resolusyon gipasa uban ang mga taho sa pagkunhod sa mga tinubdan sa tubig ug kalisud sa agrikultura, nga nag-aghat sa dinalian nga mga lakang aron matabangan ang mga apektadong komunidad sa lungsod.
Kini naglakip sa mga barangay sa Budlaan, Binaliw, Paril, Taptap, Pulangbato, Guba, Cambinocot, Pamutan, Sirao, Sapangdaku, Sudlon 1, Sudlon 2, Bonbon, Buot, ug Tagbao.
Kung diin adunay kinatibuk-ang 96 milyones ka pesos alang sa gikinahanglang galastohan sa El Niño ug uban pang mga kalihokan sa Disaster Risk Reduction and Management nga gisugyot sa usa ka konsehal.
Basi sa report sa Cebu City Agriculture Department nga ang maong epekto tungod sa dakong pagkunhod sa dagan sa sapa, dam water level, ug groundwater ang naobserbahan sa Butuanon River upstream ug Cotcot-Lusuran areas tungod sa “decreased rainfall”.
Diin ang resolusyon nagpakita nga ang mga agricultural areas sa mga apektadong barangay adunay mga distress signal sama sa pagliki sa yuta, nga nakaapekto sa labing menos 50% sa mga lugar sa produksiyon tungod sa kakuwang sa tubig.
Subay niini, gikwaan og habig si Cebu City Councilor Pastor Alcover Jr., Chairman sa committee on agriculture, ug gitino niini, nga nadismaya ug nasagmuyo nga wala nagpakabana ang Gobyerno sa nag-unang gikanahanglang sa mga mag-uuma.
Sa pikas bahin, matud pa ni Jhomer Eclarino, ang weather Specialist nga posible usab nga masinati sa Cebu ang danger level category sa heat index gumikan ang ting-init molungtad kini hangtud sa buwan sa Mayo.
