CENTRAL VISAYAS-Mokabat sa 28 ka mga lugar sa Rehiyon 7 ang girekomendar karon sa Police Regional Office 7 (PRO-7) kutob sa mahimo aron maapil sa election hotspot sa umaabot nga Barangay ug SK elections karong Oktubre.
Base kini sa gihimong assessment sa kapulisan niadtong bulan sa Hunyo.
Matod pa ni Police Lieutenant Colonel Gerard Ace Pelare, ang tigpamaba sa PRO 7, duha sa 28 ka mga lugar kay sakop sa syudad ug lalawigan sa Sugbo.
Nasayran, nga adunay kinatibuk-an nga 22 diin gikonsiderar nga ‘area of immediate concern’, samtang unom ang ‘area of concern’ ug ang tanan niini gikan sa Negros Oriental.
Gipasabot ni Pelare nga ang init nga panagbangi sa politika, bag-ohay nga mga duguong panghitabo, ug ang posibleng presensya sa mga armadong grupo, maoy posibleng rason nganong naapil ang usa ka lugar sa ‘election hotspot’.
Hinuon giklaro niini nga base lang kini sa ilahang assessment ang nahisgutang mga listahan ug walay labot niini ang Armed Forces of the Philippines (AFP) ug Commission on Elections (Comelec) nga maoy mo-aprobar sa ipahigayon, samtang ang pinili-wala pa didto.
