Nababagan sa Bureau of Immigration (BI) sa Ninoy Aquino International Airport (NAIA) ang tulo ka Malaysian national nga giingong sakop sa Kingdom of Jesus Christ nga mosulod sa Pilipinas.
Ang tulo niabot sa nasod uban ang grupo sa mga Pinoy niadtong Agosto 27, gikan sa Kuala Lumpur apan gibiyaan sa ilang mga kauban dihang gi-refer sila alang sa immigration inspection.
Giila nga sila si Jessica Lynn Henry, Mimieliana Annie Anak Leesoi ug Andrijosebaul Anak Garra.
Matod ni BI Commissioner Norman Tansingco, nadiskubrehan sa mga opisyal sa Immigration nga nagplano sila nga magpahigayon og anti-government demonstration uban sa ubang mga supporters ni Apollo Quiboloy ug sa nagpadayong manhunt operations sa mga awtoridad kang Quiboloy ug sa upat ka kauban niini.
Sa pagpasabot sa mga Malaysian national, giimbitar sila sa Davao City sa KOJC apan wala kini makapakita og pruweba sa ilang financial capacity arun makasuporta sa ilang pagpuyo sa nasud ug sa ulahi miangkon usab nga sila walay trabaho.
Nakit-an sa usa sa mga pasahero ang screenshot nga adunay lain-laing anti-government slogans, sama sa “BBM Resign,” “Stop KOJC Injustices,” ug “AFP/PNP Protect the People.”
Sa dihang gipangutana bahin sa screenshot, ang pasahero miingon nga aksidente niyang na-download ang mga slogan gikan sa iyang mga social media account.
Kasamtangang anaa sa immigration blacklist ang tulo ka mga Malaysian ug gidid-an na sa Bureau of Immigration nga makabalik sa Pilipinas.
