CEBU – Nag top ang 3 ka tinun-an ang mga tinun-an nga gikan sa University of Cebu Lapu-Lapu Mandaue (UCLM) ug Cebu Normal University (CNU) sa June 2022 Licensure Examination for Teachers (LET).
Sa secondary level, nalandig sa top 5 ang graduate sa UCLM nga si Blanche Sanchez Francisco nga adunay rating nga 91.00 samtang nagtop 7 usab ang CNU graduate nga si Jela Mae Amit Capuyan sa score nga 90.40.
Samtang sa elementary level, top 3 si Jessa Mae Pinote sa Cebu Normal University (CNU) nga adunay rating nga 91.20.
Sa eksklusibong pakighinabi sa Bombo Cebu sa tulo ka topnotcher, nagkanayon sila nga dako ang ilahang pasalamat sa wala damhang grasya nga ilahang nadawat bisan paman sa nagkadaiyang kakulian nga ilahang naagian.
Nagkanayon si Jessa Mae Pinote , dako kaayo ang ilahang kalipay ilabi na sa iyahang ginikanan gumikan wala kini magdahum nga magtop samot nang nagselfreview lamang kini tungod sa problemang pinansyal.
Saysay ni Jela Mae Amit Capuyan, nga nasubo kini gumikan niadtong March 2020 unta motake sa maong exam apan tungod sa pandemya wala kini mahinayon dugangan pa nga pagpositibo kini sa maong sakit niadtong Spetember 202a hinungdan nga gibalhin kini sa Hunyo nga exam.
Pero dako ang pasalamt niini gumikan gibalhin kini sa laing petsa aron magtop sa maong exam.
Sa tanang 20,191 examinees nga nikuha sa maong pasulit anaay 50.48% lang ang nipasar o equivalent sa 10,193 ka mga examinees.
