CEBU CITY-Gibana-bana nga muabot sa 3 milyones ka pesos ang danyos sa sunog nga mitumaw sa Brgy. Pasil diin 3 ka Sitio ang nalamoy sa kayo nga mao ang Sitio, Maharlika, Riverside og Sitio Lawis pasado alas 12:26 kaganihang udto.Matud sa Fire investigator nga si SFO3 Alberto Jagdon nga nagsugod ang sunog sa balay ni Elly Petalcurin kung diin matud pa nga adunay kaduwa ang apo niini nga bata nga giila nga alyas Kano ang giingong nagduwa-duwa og posporo nga matud pa maoy hinungdan sa pag-ulbo sa kayo.
Tungod kay sikit-sikit ang mga kabalayan dali nga mikatap ang kayo diin dili muminos 300 ka mga panimalay ang nalamon sa sunog.Gisaka sa general alarm ang sunog kung diin tanan nga mga firetruck og bombero sa probinsya ug siyudad sa Sugbo ang miresponde.
Giingong nakadugang pa ang blower sa Visayan Electric Company sa pagkatap sa kayo.Nagkaguliyang usab ang mga tao ug samtang iyahay kini og salbar sa ilang mgagamit.Adunay matud pa gihaya nga gi-apil og salbar.Alas 2:54 gi-deklarar nga fire under control na ang sunog og sa karon padayon pa ang imbestigasyon sa nahisgutang insidente.
