Gitino sa Commission on Elections, nga dili paigo ang 32 milyones ka boto aron mapugngan ang pag-impeach ni Bise Presidente Sara Duterte.
Si Commission on Elections (COMELEC) George Erwin Garcia niingon nga dili magamit ni VP Sara Duterte ang iyang mandato sa pagpahunong sa proseso sa impeachment batok kaniya.
Kini bisan pa nga nakadawat siya og 32M nga boto sa 2022 Election, kini ang pinakadaghang boto nga natala alang sa usa ka elected official.
Ubos sa konstitusyon, ang impeachment mao lamang ang pagtangtang sa usa ka opisyal sa gobyerno.
Dili kini automatic nga pagtangtang sa katungdanan tungod kay moagi pa kini sa imbestigasyon sa Senado.
Kahinumduman, nga duha ka impeachment complaints ang giatubang karon ni VP Sara Duterte nga anaa na sa House of Representatives.
Sumala sa mga reklamo, si VP Sara Duterte nagpakita og pagluib sa pagsalig sa publiko tungod sa iyang giingong sayop nga paggamit sa 612.5M nga confidential funds.
Ingun man, nga ang bise-presidente padayong nanghimakak niini.
