Gikatahong anaa sa 35 ka estado sa Estados Unidos ang maapektuhan sa massive ice storm hinungdan nga labing menos 20 niini ang nagdeklarar na og state of emergency.
Kini human nga padayon ang pag-ulan og niyebe ug yelo sa mga bahin sa Plains, South ug Midwest, diin ang pipila ka mga lugar nakasinati na og tunga sa tiil sa sayo sa Sabado.
Miabot na usab ang grabeng katugnaw sa 125 milyon nga mga tawo sa tibuok nasud ang gilauman nga makasinati og ubos nga temperatura sa umaabot nga mga adlaw.
Hinuon, sa lugar sa D.C., mikunhod ang tugnaw nga hangin samtang ang rehiyon nagpaabot sa usa sa labing grabe nga bagyo sa tingtugnaw nga nasinati niini sulod sa mga katuigan, ug sa kadaghanang bahin sa U.S., ang niyebe lagmit dili mobug-at.
Giaprobahan ni Presidente Trump ang mga deklarasyon sa emerhensya sa South Carolina ug Virginia niadtong Sabado sa buntag, nga nag-abli sa dalan alang sa federal support.
Samtang mideklarar na og state of emergency ang New Jersey gumikan sa gilauman nga dakong makaapekto sa tibuok Tri-State Area karong hinapos sa semana ang major snowstorm.
Nipadayag usab kini og kabalaka gumikan nawala ang linya sa kuryente tungpd sayelo ug hangin.
Ingon man nga gawas sa 200 milyon ka mga Amerikano ang maapektuhan niining Dakong Bagyo sa Tingtugnaw, gatusan ka libo usab ka mga Pilipinong Amerikano ang apektado.
