INDIA- Nalumos ang labing menos 46 ka mga tawo kung diin 37 niini mga bata, samtang nagsaulog ang milyon-milyon ka mga deboto sa usa ka Hindu festival sa silangang India.
Managlahing nalumos ang 46 ka indibidual sa Bihar State samtang nagpahigayon ug ritwal kay naligo sa mga suba nga lim-aw nga bag-o lang giagian ug pagbaha, matud pa sa Bihar Disaster Management Department.
Ang mga patay naglakip sa 37 ka mga bata ug pito ka mga babaye.
Ang pagkalumos nahitabo niadtong Martes ug Miyerkules sa 15 ka distrito sa estado sa Bihar samtang ang mga deboto nagtimaan sa Jitiya Parv Hindu festival, nga giobserbahan sa mga inahan alang sa kaayohan sa ilang mga anak.
Samtang ang awtoridad gipangita ang tulo pa nga mga lawas nga kasamtangan nga nangahanaw.
Ang mga deboto nagsaulog sa tinuig nga kapistahan sa Jivitputerka Vrat, diin ang mga babaye nagpuasa sulod sa 24 oras ug naghalad og mga pag-ampo alang sa kaayohan sa ilang mga anak.
Mobiyahe usab sila sa mga suba ug lim-aw sa ilang kasilinganan aron maligo, usahay ubanan sa ilang mga anak.
Gipahibalo sa gobyerno sa estado nga mohatag sila og tabnag nga anaa sa Rs400,000 ($ 4,784) alang sa mga pamilya sa matag usa sa namatay.
Kung kahinumduman nga ang India nakasinati na o makamatay nga stampedes sa panahon sa relihiyosong mga panghitabo kaniadto, apan ang kaylap nga pagkalumos nga mga insidente sa panahon sa mga pista talagsa ra.
