Nasamdan ang labing menos 37 ka tawo human sa laing airstrike sa Israel sa habagatang Lebanon niadtong Mayo 15, samtang nagpadayon ang ikaduhang adlaw sa ceasefire nga gipasiugdahan sa Washington, D.C.
Ang militar sa Israel miingon nga ilang gitarget ang imprastraktura sa Hezbollah sa Tyre ug sa kasikbit nga mga lugar.
Samtang, ang humanitarian coordinator sa United Nations sa Lebanon nagkondena sa nagpadayon nga kapintasan ug miingon nga ang diplomasya angay gamiton aron mapugngan ang paglala sa krisis.
Ang Lebanese Ministry of Public Health miingon nga mga babaye, mga bata, ug mga trabahador sa ospital lakip sa mga nasamdan human maigo ang mga building duol sa usa ka ospital ug usa ka sentro sa NGO.
Daghan usab ang gitaho nga nibakwit human nadaot ang mga balay sa mga pamilya nga nawad-an og pinuy-anan.
Bisan pa sa ceasefire nga nagsugod niadtong Abril 17, nagpadayon gihapon ang panagbangi tali sa Israel ug Hezbollah, diin ang duha ka habig nag-akusaray sa paglapas sa kasabutan.
