CEBU CITY-Patay nang napalgan ang usa ka 4-anyos nga batang lalaki human aksidenting nalumos sa sapa alas 5:27 sa hapon Sabado sa Sitio Tender, Brgy. Day-as dakbayan sa Sugbo.
Kung diin si Ernesto Laboc, 4-anyos alyas “Junjun” gideklarar sa mga doktor sa CCMC nga dead-on-arrival kun DOA.
Ang iyang patayng lawas nakuha sa sapa alas 7:31 sa gabii niadtong Sabado.
Kung diin ang amahan sa bata nga si Ernesto Laboc ang nakakita mismo sa patayng lawas sa iyang anak.
Nasayran nga ang bata nawala alas 4 sa hapon niadtong Sabado sa ilang panimalay.
GIbutyag sa amahan nga nalipat sila kay na busy paghipos sa mga hinayhay nga nabasa sa uwan.
Samtang ang iyang asawa nanglabada niadtong higayuna.
Ang ig-agaw nga 3-anyos ni JunJun maoy nitudlo niya nga miadto sa sapa ang bata.
Pasado alas 7:30 na sa gabii napalgan ang bata nga daling gidala sa CCMC apan gideklarar na nga wala nay kinabuhi.
Sa pagsiguro nga walay foul play ilang gisusi sa CCTV footage sa Barangay ug didto nakita nga naabot sa lawom nga bahin sa sapa ang biktima.
Diretsong nitidlom kini og nalumos, makita usab sa CCTV mismong ang 3-anyos nga ig-agaw niini ang nakakita sa hitabo.
