4-anyos nga batang lalaki, patay human matagak gikan sa ika-27 nga andana sa usa ka Condo sa Barangay Lahug

CEBU CITY-Patay ang 4-anyos nga bata human matagak gikan sa ika-27 nga andana sa usa ka condominium sa Barangay Lahug ning dakbayan sa Sugbo.

Basi sa imbistigasyon sa kapulisan nga dali nga gidala sa duol nga tambalanan ang bata apan, wala na kini nakaabot ug gideklarar nga dead-on-arrival.

Matud pa ni PMaj Romeo Caacoy Jr., ang hepe sa Mabolo Police Station diin atol sa pakighinabi niini sa inahan sa bata, nga nigawas kini arun mopalit og kape.

Ug sa iyang pagbalik sa ilang unit, wala na niini nakit-an sa lawak ug misunod na ang mga istorya nga adunay bata nga natagak gikan sa taas nga edipisyo ug wala damha nga iya kining anak.

Dugang ni Caacoy nga ang 4-anyos nga bata nisaka sa bangko sa may balkonahe hinungdan nga nahulog ang biktima.