CEBU CITY – Gikinahanglan nga ibalansi sa gobyerno ang mga plano ug desisyon niini kabahin sa sugyot sa NEDA nga ‘4-days work week’, una kini nga ipatuman.
Gibutyag ni Cebu City Councilor Nestor Archival, ang kanhi chairman sa Committee on Power and Energy, nga angayan nga lantawon ang kondisyon sa mga empleyado nga mutrabaho ug napulo ka oras.
Matud pa, hilabihan na kataas ang napulo ka oras ug posibli kini nga makaapekto sa performance sa mga empleyado.
Samtang, gidugang ni Archival nga maapektohan usab niini ang mga drayber diin adunay mga adlaw nga magmingaw ang ilahang pagpamasada gumikan kay walay mga pasahero.
Subay niini, gihimug-atan sa opisyal nga gikinahanglan ang tumang nga pagpangandam gumikan kay sigurado gayud nga maapektohan ang mga naasoy nga sektor diin angayan nga abagan sa gobyerno.
Gipadayag ni Archival nga ma-usik lang ang pagpatuman sa maong sugyot kung walay klaro ang buhaton nga pagpangandam.
