CENTRAL VISAYAS- Nagpadayon sa kasamtangan ang Bureau of Fisheries and Aquatic Resources (BFAR)-7 ang pagpang apod-apod og fuel assistance sa mga fisherman folks nga apektado usab sa crisis sa pagsaka sa presyo sa lana sa Probinsya sa Bohol, nga nagkantidad og 5.31 million pesos.
Ang maong fuel assistance gitanyag pinaagi sa usa ka caravan sa nagkalain-laing bahin sa Probinsya sa Bohol, diin gisugdan kini niadto pang Marso 16, ug hangtud na niining kasamtangan karong tuiga.
Sa kinatibuk-an, adunay 1,770 na ang mga mangingisda ang nagmalampusong nakadawat sa maong ayuda, kinsa mga apektado kini sa nagpadayon karong hagit sa pagtaas sa presyo sa lana nga nakahatag og direktang epekto sa ilahang inadlaw-adlaw nga panginabuhian.
Samtang, sa matang sa pagbahin sa mga benepisyaryo gibahin kini sa upat ka mga coastal nga lungsod diin:
- 746 ka mga mangigisda sa Lungsod sa Dauis, Bohol
- 385 ka mga mangigisda sa Lungsod sa Candijay, Bohol
- 234 ka mga mangigisda sa Lungsod sa Garcia Hernandez, Bohol
- 405 ka mga mangigisda sa Lungsod sa Baclayon, Bohol
Subay niini, gipamahayag sa BFAR-7 nga ang maong pagpang apod-apod og hinabang kon ang fuel assistance ikaduha na nila kini nilang hugna o wave sa Probinsya sa Bohol sa buwan sa Marso.
Gumikan niini, adunay 4, 032 ka mga mangingisda ang nakabenipisyo na niini nga fuel assistance.
Eksklusibong nahinabi usab sa Bombo Radyo Cebu newsteam si Johann Tejada, ang tigpamaba sa BFAR-7, ug iyang gikabutyag nga usa sa ilahang buluhaton karon mao ang pag-assist or giya sa mga mangingisda aron usab maminusan ang kalbaryo nga gipas-an niini tungod sa nagpanikad nga presyo sa mga produktong lana sa kasamtangan.
Ingun man nga naningkamot usab ang maong buhatan sa pakig-alayon sa mga Local Government Unit sa maong probinsya aron malakip sa profiling ug masuta kung si kinsa ang opisyal nga narehistro.
Dugang pa, kasagaran sa mga natunolan sa maong assistance mao ang mga mangingisda nga motorbanca ang gamit sa ilang pagpangisda.
Gitataw usab ni Tejada nga wala ra usab hinuon nagnihit og suplay sa isda sukad pa sa mga milabayng buwan.
