Cebu City- -Makadawat og 50 million pesos nga pondo kada buwan ang Malasakit Center nga gitukod sa Office of the Presidential Assistant for the Visayas.

Mao kini ang giingon ni Presidente Rodrigo Duterte sa pagtambong niini sa launching sa programa sa Vicente Sotto Memorial Medical Center.

Ang programa usa lang sa mga malasakit programs ubos sa Duterte administration. Tumong niining mga programa nga mapaspas ang pag proseso sa financial assistance para sa mga indigent nga mga pasyente.

Samtang sa speech sa Presidente gihimug-atan niini nga dili gihapon niya hunungon ang kampanya sa gobyerno batok sa ilegal nga droga bisan paman sa kaso nga gi-atubang niini sa International Crimininbal Court ug mga imbestigasyon gikan sa nagkalain-laing international groups nga mikwestyon kaniya.

Matud ni Duterte na mahunong lang ang kampanya sa iligal nga drogas kung mukanaog siya sa pwesto. Andam usab siya matud pa nga magpa firing squad. Matud usab ni Presidente nga sa dili pa siya mukanaog sa pwesto siguruhan usa niini nga kusog ang pwersa sa AFP ug PNP sa pinaagi sa pag upgrade sa ilang mga pasilidad.

Gi-angkon usab ni Duterte nga dako ang problema sa iligal nga drogas sa Cebu hasta na usab sa mga pulis nga nalambigit sa iligal nga aktibidad.