Napalgan nang patay ang usa ka 48 anyos nga lalaki gawas sa opisina sa usa ka shipping line sa Barangay Tejero, Dakbayan sa Sugbo kaganiha pasado alas 5 sa buntag, Oktubre 15, 2026.
Giila ang namatay nga si Aylas Marlon, minyo ug residente sa Barangay Tejero, Cebu City. Si Marlon usa ka pintor kaniadto apan nagtrabaho na lamang isip parking attendant tungod sa kalisod sa iyang paglihok nga may kalabotan sa iyang sakit.
Sumala sa impormasyon, nakit-an si Marlon nga naghigda sa usa ka foam sa kilid sa generator set.
Sa pagpakighinabi sa Bombo Radyo Cebu, gibutyag sa anak sa biktima nga si Fel Tanyag, alas 5 sa buntag dihang gitawagan siya sa mga silingan nila human nila namatikdan nga wala na kini molihok iyang amahan.
Dugang usab niini, nga napalgang wala nay kinabuhi adunay sakit nga tuberculosis o TB ug kasamtangan unta nga nagpatambal niini.
Apan, taliwala niini mahiligon usab kini nga manigarilyo, nga gituohang posibleng nakapasamot sa iyang kahimtang, apan wala pay kumpirmasyon sa hinungdan sa iyang pagkamatay.
Gibutyag usab ni Fel nga unang higayon nga natulog ang iyang amahan sa maong dapit.
Posible usab nga gisusi ang pagpangloud sa namatay tungod sa iyang gibati nga kaulaw sa mga estorya nga iyang nadunggan gikan sa mga silingan may kalabotan sa iyang sakit.
Sa pagkakaron, padayon pa ang pagsuta aron matino ang eksaktong hinungdan sa pagkamatay sa nakapalgang lawas.
