LILOAN, CEBU-Dul-an sa 500 ka mga Pantawid Pamilyang Pilipino Program (4Ps) partner-beneficiaries sa lungsod sa Liloan sa amihanang Sugbo ang gitudloan sa paggamit sa bag-ong Automated Counting Machine (ACMs) sa Commission on Elections (Comelec) para sa piniliay sa umaabot Mayo 12, 2025.
Gipahigayon kini sa Barangay Tayud sa maong lungsod diin giorganisar kini sa Comelec sa pakig-alayon sa Department of Social Welfare and Development Field Office Central Visayas (DSWD-7).
Nagtumong kini sa pagpalapad sa kalam sa bag-ong makina nga gamiton sa umaabot piniliay nga gidalit sa South Korean firm nga Miru Systems.
Dili lamang taga Barangay Tayud nga mga 4Ps partner-beneficiaries ang miapil sa maong aktibidad apan gisalmotan sab kini sa mga benepisyaryo sab sa Barangay Catarman sa samang lungsod.
Sa umaabot nga mga buwan kay plano pa sa DSWD-7 ang pagpa-implementar niini sa mga election-related campaign nga nagtumong sa pagpalig-on sa pagka aktibong lungusranon pinaagis sa 4Ps monthly Family Development Session.
