CENTRAL VISAYAS-Girekomendar nga ipaubos sa Commission on Elections (COMELEC ) ang anaa sa lima ka mga lugar sa Central Visayas (Region 7) sa yellow category tungod sa nagka-init ga panagbangi sa politika sa mga kandidato sa umaabot piniliay Mayo 12, 2025.
Ang maong mga lugar kay mao ang dakbayan sa Mandaue, lungsod sa Daanbantayan, Dalaguete, ug Argao sa Sugbo samtang lungsod sa San Miguel sa probinsya sa Bohol.
Matod pa ni Atty. Francisco Pobe, ang Regional Director sa COMELEC -7 diin tataw pa niini nga ang rekomendasyon kay gibuhata sa Local Joint Security Control Center (LJSCC) sa hingtungdang dapit.
Ang LJSCC kay gilangkoban sa mga representates sa COMELEC , lokal nga kapulisan, ug kasundalohan nga maoy responsible sa pagsuta sa kahapsay sa maong lugar ug kondisyon niini sa seguridad karong panahon sa kampanya.
Subay sa color-coded classification category sa Comelec, ang green category kay nagtimaan sa wala kalabaka sa seguridad; yellow category sa timaan nga adunay kasaysayan sa political unrest o tension; orange category sa mga lugar nga adunay armed threats; ug red category para sa mga kritikal nga mga dapit.
Ubos sa yellow category, mas pahugtan pa ang seguridad sa maong lugar ilabi na sa adlaw sa piniliay ug proklamasyon sa mga mananaog.
Ang maong rekomendasyon kay agpaabot nalang og kompirmasyon sa Regional Joint Security Control Center sa umaabot pagnagtapok niini sa Lunes, Abril 28.
Kung maaprobahan, desisyonan kini sa COMELEC Central Office sa kaulohan aron ipatuman ang mga lakang sa seguridad sa eleksyon.
Gani gawas sa 5 ka mga lugar nga girekomendar nga ipaubos s yellow caterory, mayo nalang og walay batalang ipaubos sa orange ug red category sa tibouk rehiyon sa Central Visayas.
