Cebu City-Narescue sa mga kapulisan sa dakbayan sa Lapulapu ang 5 ka mga menor de edad kinsang na report nga wala makauli sa ilang panimalay.
Inubanan sa mga sakop sa Gender and Development Officer (GAD) na rescue ang 5 apan nakuhaan ug 10 ka pakete sa gituohang shabu.
Base sa inisyal nga imbestigasyon, posibleng nagpot session ang mga menor de edad nga nag edad ug 14 ug 15 anyos diin 1 ka lalaki ug 4 ka babaye.
Gituohan usab nga gi recruit sa usa ka 16 anyos nga lalaki ang maong mga tinun-an sanglit dili man usab kini nila klasmeyt. Nasikop matud pa sa kapulisan ang 35 anyos nga si Alviola Fernandez kinsang nahimong kuyug usab sa mga menor de edad.
Gipalawman pa sa kapulisan kung unsa ang partisipasyon sa tag-iya sa balay kung asa na rescue ang mga menor de edad.
