Daling naglusad og hot pursuit operations ang kapulisan sa Shariff Aguan sa Maguindanao del Sur human gi-ambush ang mga pulis nga miresulta sa pagkamatay sa lima ug pagka-angol sa laing tulo, pasado alas-9:10 gabii sa Maguindanao Street, Brgy. Mother Poblacion.
Naila ang mga namatay nga sila Patrolmen Kenneth Perocho, Al-Fatah Marohom, Amil Bangsa, Arsenal Sivih ug Sayed Ridwan samtang ang mga angol mao sila PLt Alfred Gregory, Police Staff Sergeant Adam Kamarudin Kansi ug Patrolman Abubakar Lauban, pulos salop sa 2nd Provincial Mobile Force Battalion.
Migawas sa inisyal nga imbestigasyon nga pabalik na unta sa Camp Datu Akilan ang troopa human nagpatrolya ang maong mga pulis, dihang gibanhigan sila sa wala pa matumbok nga armadong grupo.
Gi-alerto na ang kasikbit nga mga police stations ug mga ka-alyadong pwersa kalabot sa hitabo aron masikop gilayon ang mga responsable kung maka-agi sa ilang area og responsibility.
