PROVINCE OF CEBU- Mikabat sa 627 ka mga residente sa isla sa Camotes ang nakapanghimulos sa libreng Surgical, Eye Medical ug Dental Mission sa Ricardo L. Maningo Memorial Hospital niadtong nakalabayng Sabado ug Domingo, Marso 28 ug 29, 2026.
Kini nga inisyatiba kay gipangunahan sa Kagamhanang Lalawigan sa Sugbo diin adunay daghan nga mga serbisyong medikal ang nadalit sama nalang sa surgical procedures, ophthalmology, optometry, dental care, ug HIV screening.
Sumala pa ni Cebu Capitol Health Consultant Dr. Nikki Catalan nga ang maong kalihukan kay nagpamatuod sa seryosong tinguha sa kasamtangang administrasyon sa pagsigurong makadalit og mayo nga serbisyong panglawas ilabi na sa mga hilit nga mga dapit.
Ang maong medical mission kay nakatala sa 22 ka major surgeries para sa hernia, gallstones, thyroid, ug parotid cases uban sa lain pang 32 kam ga minor procedures.
Samtang sa eye surgery kay nakatala kini og 50 la operasyon din 24 sa cataract ug 26 sa pterygium surgeries. Ang Dental team sab kay naka-atiman sa 185 ka mga pasyente samtang ang optometry kay nakahatag og libreng eyeglasses sa 248 ka mga indibidwal.
Lain 90 ka mga residente ang mipaubos sab sa blood sugar testing ingon man sa HIV screening kauban ang Vicente Sotto Memorial Medical Center Kaambag Clinic.
Ang Kapitolyo sa Sugbo nagpadangat og pasalamat sa partners ug stakeholders nga miabag sa kalampusan sa medical mission ingon man sa suporta na sab sa lokalidad sa mga munisipyo sa maong isla.
