Padayon nga gi obserbaran karon sa Department of Health (DOH) 7 ang 5-anyos nga lalaki nga gikan sa China human kini giingong nag positibo sa coronavirus.
Gibutyag sa DOH medical officer 3 nga si Dr. Van Philip Baton inubanan ni Dr. Shelbay Blanco, medical officer usab sa DOH nga padaon ilang pag-monitor niini karon sa tambalanan kun asa naka-confine ang maong 5-anyos.
Hinuon matod pa anaa na sa stable nga kahimtang ug wala nay hilanat ang bata apan gi-isolate gihapon kini karon sa usa ka pribadong tambalanan dinhi sa dakbayan sa Sugbo.
Giklaro ni Dr. Baton ug Dr. Shelbay nga walay confirm case sa 2019 novel coronavirus dinhi sa Central Visayas subay na sa monitoring sa DOH 7.
Dugang pa niini nga nag-negatibo sa corona virus ang maong bata base sa nahuptan nilang samples apan ila pang sutaon ang resulta sa confirmatory test.
Padayon pa nga gipaabot karon ang resulta sa specimen sa 5-anyos nga gipada sa Australia.
Posible maabot ang resulta niini dinhi sa nasud karong umaabot nga byernes o Sabado sa buntag.
Samtang naka-hightened alert na karon ang tanang mga tambalanan mapa-publiko man o pribado. (Lahvi Quiñones)
