CEBU CITY-Malampuson nga napahigayon ang tinuig nga medical mission sa Bombo Radyo Philippines sa Cebu City kung diin muabot sa 5,095 ka mga pasyente ang na-cater sa Bombo Medico 2019 nga gipahigayon sa Colegio Del Sto.Niño ground sulod sa Basilica Minore Del Sto. Niño dakbayan sa Sugbo.
2,052 ang ihap sa mga pasyente nga naka-avail sa medical check up, 1,156 sa dental services,998 patients ang naka-avail sa optical service ug 889 sa lain pang services.
Muabot usab sa 1.4 million pesos worth of medicine ang nahatag sa Bombo Radyo Cebu gikan sa mga sponsors.
Usa usab sa rason nga nahimong malampuson ang medical mission sa Cebu, tungod kay hugot ang security sa area. Dunay mga nakabantay nga mga PNP, AFP ug duna pay mga bomb sniffing dog.
Maayo usab ang lakat sa panahon sa tibuok adlaw hinungdan nga hapsay nga natapos ang naasoy nga aktibidad.
