LAPU-LAPU CITY-Anaa sa kinatibuk-ang 59 ka mga magti-ayon ang nakapanghimulos sa Kasalan ng Bayan 2025 nga gipahigayon sa Hoops Dome sa dakbayan sa Lapu-Lapu kagahapong adlawa sa Biyernes, Mayo 2, 2025.
Kun diin ang maong dakong seremonyas sa kaminyo-on (mass matrimony) kay gipangulohan ni Lapu-Lapu City Mayor Junard “Ahong” Chan.
Gi-organisar kini sa kagamhanang dakbayan sa Lapu-Lapu pinaagi sa buhatan sa City Social Welfare and Development Office (CSWDO) diin ang mga Department Heads pa sa City Hall ang nagsilbing official sponsor sa maong kalihokan.
Nagdalit kini sa Free Wedding Package nga gilangkoban sa reception, food, cake, wine, makeup, full coverage ug uban pa.
Nagsilbi kini espesyal nga adlaw para sa mga magti-ayon human nahimong opisyal ang ilang panag-pares sa hinuusang paglantaw na sa balaod ug sa mata sa Diyos ngadto kanila.
