6.7 magnitude nga linog, miigo sa Iwate, Japan

Mitay-og ang usa ka kusog nga linog sa amihanang Japan niadtong adlawng Dominggo, Nobyembre 9 nga gisundan sa mga aftershocks sumala pa sa report sa Japan Meteorological Agency.

Ang linog adunay preliminary magnitude sa 6.7 nga miigo sa kabaybayonan sa Iwate prefecture sa gilawmon nga 10 kilometros ilawm sa dagat pasado alas 5 sa hapon (oras sa Japan).

Walay diha-diha nga mga report sa mga kadaot o injuries, o bisan unsang mga report sa mga abnormalidad sa duha ka nuclear power plants sa lugar.

Ang ahensya nagpagawas ug advisory alang sa usa ka tsunami nga moabot ug 1 metros sa amihanang rehiyon sa baybayon. Ang advisory nagpabilin usa ka oras human sa inisyal nga pagtay-og.