-- ADVERTISEMENT --
Nakabsan sa kinabuhi ang usa ka 6-anyos nga batang babaye nga taga Bgy. Canmaag lungsod sa Loon niadtong Septembre 4, 2026 adlawng byirnes.
Nahitabo ang insidente ubos sa ilang panimalay nga anaay tubod diin sila gikan nagkalos og tubig, apan sa dihang nipauli na ang biktima kauban iyang inahan, gitagbo kini sa mala nga banakon ug gipaak.
Base sa inisyal nga impormasyon, samtang mipauli ang mag-inahan gikan sa tubod nga gikuhaan sa tubig, kalit nga gisugat sa banakon ang bata ug gipaak.
Nadala pa ang biktima sa Loon Hospital apan gi-refer kini sa Governor Celestino Gallares Memorial Medical Center sa Tagbilaran City, apan gideklarar kining patay na mga alas-9:00 sa buntag.
Sa pagkakaron, wala pa mahikit-i ang banakon nga nakapaak.
-- ADVERTISEMENT --
