Napalgan nalang nga wala nay kinabuhi ang usa ka 6-anyos nga batang lalaki human kini na-missing kapin usa ka semana na ang milabay sa Purok Kabulakan sa Barangay Libjo sa lungsod sa Tabogon sa amihanang Sugbo.
Giila ang biktima nga si John Jio Caballes nga gikatahong nawala kini niadtong Enero 9 og nakit-an iyang patayng lawas sa silingang sitio sa Purok Kawayanan, Barangay Libjo sa lungsod sa Tabogon pasado alas 11:30 sa buntag niadtong Enero 17.
Giklaro sa mga skaop sa kapulisan sa maong lungsod nga base sa ilang inisyal nga imbestigasyon diin wala naputol ang ulo sa bata gani naka-angkon lang kini og dagkong samad sukwahi sa mikatap nga kasayuran online.
Sa pagsubay pa sa wala pa Nawala ang bata kay gikan daw kini nakigduwa sa mga higala apan naabtan nalang og gabii og wala kini nauli sa ilang panimalay nga nakapa-aghat nga magpablotter ang hingtungdan niini.
Positibong giila sa amahan nga si Prince Caballes ang patayng lawas sa iyang anak pinaagi sa uwahing sinena nga gisul-ob niini nga puwa nga shorts ug dalag (yellow) ang t-shirt.
Sa pagkakaron, padayon pa ang gilusad nga imbestigasyon sa Tabogon Municipal Police kabahin sa krimen aron masuta ang hinungdan sa kamatayon ug matumbok ang suspek sa krimen./
