Cebu City-6 ka mga tawo nga gilangkuban sa 3 ka mga menor de edad ang nalandig sa tambalanan human napaslot ang ilang panit sa dihang miulbo ang sunug sa himuanan ug pabuto sa Sityo Lawis, Purok Judas Belt sa barangay Babag, Lapu-Lapu City.
Matud ni PO2 Raul Ruiz, ang imbestigador sa Lapulapu City Police Station 3 nga miulbo ang kayo sa dihang kalit nga nagspark ang pulbura nga gisulod ni Jonathan sa pabuto nga gitawag bawang. Matud pa nga mikatap sa mga finish product nga mga pabuto nga naa ra nabutang duol sa buhatanan niini hinungdan nga nagbuto buto sa maong dapit.
Nakaangkon ug 2nd degree burn si Isa Jane Andal ug Marcia Amistad kinsang duol kaayo sa nahimutangan sa mga finish product nga mga pabuto sa dihang mikatap na ang kayo.
Napaslot usab ang panit Andrew Laurel, 14 anyos , Angelo Casul 18 anyos , Argentina Amistad, 33 anyos ug si Joselito Amistad. Matud pa nga gamay lang ang samad nga naangkon ni Joselito gumikan kay nakadagan kini siya dayon pagawas sa himuanan sa pabuto apan ang mga kauban niini ang wala makagawas dayon.
Gibutyag usab ni PO2 Ruiz nga dili man makadali dali ug palayo sa dapit ang mga biktima sanglit naa man sila sa tunga sa aromahan .
Maayo nalang matud pa kay layo sila sa mga panimalay.Migawas usab sa imbestigasyon nga walay permit ang paghimo ug pabuto ni Amistad kinsang kaniadto nagtrabaho sa usa ka factory sa pabuto sa dakbayan sa Lapulapu. Hinuon naa na sa luwas nga kahimtang ang mga biktima, VC CUE IN PO2 Raul Ruiz, ang imbestigador sa Lapulapu City Police Station 3.
Samtang gisuguro naman sa Police Regional Office 7 nga ilang i-implementar ang executive order nga giluwatan ni Presidente Rodrigo Duterte kabahin sa pag regulate sa pagpamaligya ug paghimo ug pabuto aron dili na masubli ang panghitabo sa lapulapu.Matud pa nga muhimo usab sila sa ilahang kaugalingong imbestigasyon.
