Gibutyag ni Atty. Rameses Victorious Villagonzalo, nga legal ang gipahigayon nga search warrant sa mga sakop sa awtoridad sa pagpangita kang Sen. Ronald “Bato” Dela Rosa maylabot sa gipagawas nga arrest warrant gikan sa International Criminal Court sa kasong gikalambigitan niini isip co-perpetrator sa kasong War Against Humanity kang Former President Rodrigo Roa Duterte.
Kini ang gibutyag ni Villagonzalo, human nga gikuwestiyon sa pipila ang pagpahigayon og search warrant sa mga lugar og establisyemento nga gidudahang gitagoan ni Dela Rosa.
Apan giklaro niini nga bisan pa warrant of arrest ang gidala sa mga awtoridad, ang gitugotan lang himoun sa mga sakop sa kapulisan o sa usa ka arresting officer kinahanglan nga “visual search” lamang ug dili mamahimong manghilabot sa mga gamit ingun man ang pagtanom og ebidensiya.
Gihimug-atan ni Atty. Villagonzalo, nga bisan paman mobalibad ang tagtungod sa mismong mga establisyemento o panimalay mamahimo gihapong makasulod ang mga sakop sa awtoridad aron pangitaon ang pugante basta aduna lay legal nga basehan nga anaa sa lugar ang gipangita sa “arrest warrant” base sa nakalatid sa rules of court.
Dugang niini nga posible usab nga ma consolidate ang mga kaso ni FPRRD og kang Sen. Dela Rosa, kung ugaling adunay mapuno nga madakpan sa mga co-perpetrators aron mapadali ang o idungan ang pagdungog sa kaso.
