CEBU CITY- Nasulod sa Listahan sa List of 100 best universities sa Pilipinas ang unom(6) ka unibersidad gikan sa dakbayan sa Sugbo, nga gihimo sa ‘EduRank’ base sa ilahang research outputs, non-academic prominence, ug alumni influence.
Ang ranggo gitino pinaagi sa pag-analisar sa 850,000 nga mga citation nga nadawat sa 80,000 nga academic publications nga gihimo sa 229 ka unibersidad gikan sa Pilipinas.
Kung diin, ang pagkapopular sa 1,163 ka giila nga alumni, ug ang pinakadako nga reference database nga anaa.
Base sa ilahang research ang ‘University of San Carlos, niranggo sa ika-7 sa Pilipinas, sa ika-4132 sa global 2025 nga rating, ug naka-iskor sa 75 research topics.
Samtang, anaa kini sa Rank 1 out og 10 sa Cebu City.
Gisundan kini sa ‘University of San Jose-Recoletos’ nahimutang sa ika-32 sa Pilipinas, ug naka-iskor sa 20 research topics.
Sila usab ang Rank 2 out og 10 sa Cebu City.
Ang Cebu Normal University, niranggo sa Ika-39 sa Pilipinas, ug naka-iskor sa 44 research topics.
Anaa kini sa Rank 3 out og 10 sa Cebu City.
Samtang, ang ‘Southwestern University PHINMA’ ika- 64 sa Pilipinas ug Rank 4 out og 10 sa Cebu City.
Nahimutang ang ‘Cebu Institute of Medicine’ sa ika-77 sa Pilipinas ug Rank 5 out og 10 sa Cebu City.
Ug ang ‘University of the Visayas’ anaa sa ika 98 sa sa Pilipinas ug Rank 6 out og 10 sa Cebu City.
Kana nga datus nagpakita nga ang Top 10 nga mga unibersidad sa Cebu ang unom niini ang gi-ranggo sa EduRank nga apil sa 100 best universities sa Pilipinas base sa research outputs, non-academic prominence, ug alumni influence.
Ang laing nasulod sa Top 10 sa Cebu mao ang ‘University of Cebu’, ‘Cebu Institute of Technology’, ‘Cebu Technological University’ ug ‘University of Southern Philippines Foundation’, apan wala nasulod sa ranking sa EduRank .
Nasuta nga ang best cities alang sa pagtuon sa Pilipinas base sa gidaghanon sa mga unibersidad ug ang ilang mga ranggo mao ang Quezon, Manila, Los Banos, ug Cebu.
