CEBU CITY-Hapit mamatay ang usa ka campaign sortie sa Barangay Talamban, dakbayan sa Sugbo human madasmagan sa a usa ka sports utility vehicle (SUV) ug nakaangol usab ang unom ka mga tawo, lakip ang usa ka kandidato pagka barangay kapitan, gahapon Martes, Oktubre 24.
Matud pa ni Police Major Janelito Marquez, ang hepe sa kapulisan sa Talamban Police Station, nga nakadasmag sa grupo sa mga tawo ang usa ka sakyanan samtang nangampanya alang sa umaabot nga Barangay ug Sangguniang Kabataan (SK) elections sa Sitio Kalubihan, Barangay Talamban.
Lakip sa 6 ang naangol mao ang usa ka aspiring barangay kapitan.
Dugang pa,nga naglakaw ang grupo daplin sa karsada sa Sitio Kalubihan dihang kalit nga nadasmagan sa SUV nga gimaneho sa usa ka ‘James’ nga miresulta sa pagka-angol sa unom.
Nasikop sa kapolisan si James, kinsa daw nakatulog samtang nagmaneho gikan sa trabaho isip call center agent paingon sa iyang panimalay sa silingang Barangay Bacayan.
Sa kasamatangan, nagpadayun ang imbestigador sa pag-verify sa mga ngalan sa mga nasamdan nga mga tawo.
Samtang, ang drayber anaa sa police station nga possibling mag-atubang og mga reklamo tungod sa reckless driving nga moresulta sa daghang mga samad.
