CEBU – Mokabat sa 60 ka mga police personnel ang ipakatap sa unom ka mga sam-ang sa dakbayan sa Talisay alang sa umaabot nga Kalag-Kalag 2022.
Gipahibalo ni Police Lt. Colonel Randy Caballes, ang hepe sa Talisay City Police Station, nga gawas sa kapulisan, adunay augmentation usab gikan sa Armed Forces of the Philippines ug sa PNP, ingon man ang abag sa mga force multipliers.
Matud pa, magsugod ang ilahang deployment karung Oktubre 29 hangtud na sa Nobyembre 3.
Sa inisyal nila nga guidelines, giingong gidili ang mga sipa nga tukar o mag-videoke sulod sa mga sam-ang, gidili usab ang mga maha-it nga hinagiban, ug mga ilimnong makahubog.
Mahimong makabisita sa mga sam-ang ang publiko sugod alas 6 sa buntag hangtud na sa alas 11 sa gabii.
Giawhag na lang niini ang katawhan nga mas maayo nga musayo ug pagbisita sa mga sam-ang arun nga malikay sa bul-og sa mga tawo.
