CENTRAL VISAYAS-Nipahibalo ang Regional Oversight Committee (ROC) nga daghang barangay sa Central Visayas ang na drug clear.
Gibutyag ni Leia Alcantara,ang information officer sa Philippine Drug Enforcement Agency (PDEA 7),nga sa 61 ka barangay nga ni-apply ug gideklarar nga drug cleared, unom niini nahimutang sa Bohol, 18 sa Negros Oriental ug usa sa Cebu City nga mao ang Barangay Mabini. ug 35 sa Probinsya sa Sugbo.
Dugang ni Alcantara nga ang 11 ka barangay, lima niini sa Bohol ug unom sa Sugbo, kansang drug cleared status kay provisional tungod kay wala pa makompleto ang tanang dokumentasyon, nalakip na sa listahan sa drug cleared barangays.
Sukad sa paglusad sa Barangay Drug Clearing Program niadtong 2017, 1,592 sa 3,003 ka barangay sa tibuok Central Visayas ang gikonsiderar nga drug cleared, ug 116 ang naproklamar nga drug free, sumala sa datus sa PDEA 7.
Giklaro sa PDEA 7 nga ang pagdeklarar og barangay drug-cleared wala magpasabot nga wala nay ilegal nga drugas nga makasulod, apan ang bintaha kay ang tanang drug personalities sa maong dapit gimonitor ug gilista sa Barangay Drug Abuse Council.
