Labing menos 62 ka tawo ang namatay sa Kenya tungod sa kusog nga ulan ug halapad nga pagbaha.
Hapit usa ka semana nga nakasinati og kusog nga ulan ang Kenya, hinungdan sa pag-awas sa mga kasapaan.
Daghang mga dalan ang gisirhan human nadaot ang usa ka tulay sa Nairobi.
Nagpasidaan ang interior ministry nga mas kusog nga ulan ug pagbaha ang mahitabo sa umaabot nga mga adlaw.
Tungod niini, gitambagan nila ang mga residente nga mobakwit dayon ngadto sa luwas nga mga lugar.
Gipasalig ni Presidente William Ruto sa Kenya nga ang mga awtoridad nagtrabaho aron mabakwit ang mga apektadong residente.
Sa kasamtangan, dili lang ang Kenya nga nasud nga nakasinati og pagbaha, tungod kay ang Ethiopia nakasinati usab og pagbaha ug pagdahili sa yuta nga nakapatay og 100 ka tawo.
