METRO MANILA-Nagpabiling apektado sa pagbaha ang anaa sa 63 ka mga lugar sa lain-laing bahin sa nasud, pipila ka semana human sa Supertyphoon Carina, nga gipalig-on sa Southeast Wind.
Matod sa National Disaster Risk Reduction and Management Council (NDRRMC), ang Central Luzon nakatala sa pinakadaghang lugar nga gibahaan nga niabot sa 56.
Ang nahabilin nga gidaghanon natala sa laing tulo ka rehiyon nga naglakip sa Cordillera Administrative Region, ug Northern Mindanao, ug Bangsamoro Autonomous Region in Muslim Mindanao (BARMM) nga gibahaan sukad sa unang pag-igo sa bagyong Butchoy.
Matod sa konseho, ang ubang mga lugar wala mohubas ug padayon nga gisundan sa pag-uwan.
Samtang, anaa sa 1,715, 194 ka pamilya nga natala nga apektado o anaa sa 6,426,994 ka tawo.
Ang Central Luzon nakatala sa pinakataas nga ihap sa mga biktima: nga anaa sa 1,000,332 ka pamilya o 3,422,916 ka tawo.
Napulo ka rehiyon ang nakatala og sunodsunod nga pagdahili sa yuta human sa lapad nga pag-ulan. Apil niini ang Rehiyon 1, Rehiyon 2, Calabarzon, Rehiyon 7, 8, 9, 11, 12, Caraga ug BARMM.
