Moabot sa 64 ka tawo ang namatay sa usa ka dakong kampanya batok sa krimen nga gipahigayon sa pulis sa Rio de Janeiro, Brazil, diin upat ka pulis ang nalakip sa mga napatay human misukol ang pipila ka mga suspek.
Gipunting sa mga awtoridad ang grupong kriminal nga Comando Vermelho (CV), nga nailhan nga labing karaan nga organisasyon sa mga kriminal sa Brazil.
Ang operasyon, nga usa ka tuig gihimo, naglambigit sa 2,500 military ug civilian police personnel.
Sa nasangpit nga operasyon, gidakop usab ang 81 ka tawo, lakip na kadtong migamit og mga drone aron makig-away sa kapulisan.
Giawhag ni Gobernador Cláudio Castro sa Estado sa Rio de Janeiro ang mga residente nga magpabilin sa ilang mga balay samtang nagpadayon ang kapulisan sa pagpangita sa mga miyembro sa gang nga gituhuang nagtago pa sa pipila ka mga lugar.
