CEBU CITY – Gisugdan na sa Cebu City Environmental and Sanitation Team (CESET) ang pag-rescue sa pipila ka mga miyembro sa Badjao Community nga anaa sa kadalanan aron mangpalimos.

Matod ni CESET Head Grace Laurdo, ila nang gihan-ay ang mga pasilidad alang temporaryong puy-an sa mga nakatambay sa kalsada ug nagpakilimos.

Una niini, gikabalaka ni Cebu City Mayor Edgardo Labella ang pagtumaw sa mga nagpakilimos sa nagkada-iyang kadalanan sa dakbayan sanglit dako ang posibilidad nga makabaton o di ba kaha mao ang magdala sa makamatay nga coronavirus, gumikan sa pagtener niini sa gawas.

“Atung mayor ganahan gyud siya ipahimutang sila sa usa ka shelter, diin atung nang gilimpyohan ganina,” asoy ni Laurdo.

Segon sa Mayor nga gikatakdang magmontar ang City Government ug half-way house diin temporaryo nga ipahimutang ang mga street dwellers ingon man ang mga homeless persons.

Nasayran nga gimando na sa Mayor ang profiling sa mga street dwellers, diin ihatod balik sa ilang mga probinsiya ang di mga taga dakbayan sa Sugbo samtang ang mga taga Cebu City posibleng mag-atubang ug kaso kabahin na sa paglapas sa lagda sa City Ordinance 1631 o ang Anti-Mendicancy Ordinance ilabi na ang mga ginikanan nga padayong nagpasagad sa mga anak nga magtener sa kadalanan.// GBS & EKP