Mipadangat og usa ka madasigong mensahe si Cebu Archbishop Alberto “Abet” Uy ngadto sa mga magtutuo atol sa gipahigayon nga Easter Vigil sa Cebu Metropolitan Cathedral, Sabado sa gabii.
Sa iyang wali, gihatagan og gibug-aton sa Arsobispo ang kamahinungdanon sa pagbati pag-usab sa “mainitong presensya” sa nabanhaw nga Kristo diha sa kasingkasing sa matag Sugboanon.
Ingon man nga ang Pasko sa Pagkabanhaw dili lang usa ka paghandom sa milagro ni Kristo, kondili usa ka tawag sa personal nga pagbag-o.
Gipasabot usab ni Archbishop Uy nga sa tunga-tunga sa mga hagit sa katilingban, ang matag Kristiyano adunay obligasyon nga magdala og paglaum. Pinaagi niini, ang kalibutan nga “usahay mangitngit” matagaan og kahayag ug ang katawhan “malamdagan” sa kamatuoran sa Diyos.
