Giawhag ni Cebu Governor Pamela Baricuatro ang mga Sugboanon nga magpahigayon og protesta ugmang adlawa nga ipaagi kini sa husto ug malinawon.
Ingon man nga kon gani hapsay ug malinawon kay mosalmot usab kini sa kalihokan ug kung bakante ang iyang schedule.
Matud ni Baricuatro, kinsa usa usab ka anti-corruption advocate nga adunay katungod ang publiko nga mopadangat sa ilahang mga yangungo sa korupsyon sa flood control projects ug gani suportado niya kini.
Gani, tungod sa pagkabulgar sa anomaliya sa korupsyon sa flood control projects pipila na usab ang napahigayon og rally o protesta diha sa pipila ka bahin sa nasud sama sa gihimo sa cause oriented groups nga nag-rally atubangan sa gate sa Department of Public Works and Highways (DPWH).
Karong Domingo, ang ipahigayon nga protesta kay kalabot usab sa tinuig sa 1972 nga deklarasyon sa Martial Law diin gilaoman nga ubay-ubay ang mga tawo nga motambong niini lukop nasud sama sa Sugbo.
