Naronda sa mga sakop sa tinugyanan sa baload ang anaa sa 7,000 ka mga punoan sa tanom nga marijuana sa Sitio Lupa, Barangay Sudlon II ning dakbayan sa Sugbo kagahapon sa takna alas 10 sa buntag, Biyernes, Abril 11, 2025.
Kun diin ang maong operasyon nga gilusad kay mao ang Joint Eradication of Marijuana Plantation sa mga sakop sa Cebu City Police Office City Mobile Force Company, Regional Police Drug Enforcement Unit – Central Visayas, Philippine Drug Enforcement Agency – Central Visayas.
Matod pa nga unang nadawat ang report sa maong tinanom nga marijuana hinungdan nga gironda dayon kini sa mga awtoridad.
Atol sa pag-abot na sa mga awtoridad s maong dapit, wala na kiniy nasakip nga cultivator o caretaker apan malampuson gihapon kining gipanglarot ug gisunog ang maong mga tinanom.
Gibana-banag mubalor ang kinatibuk-an naronda nga tanom sa kapin P1.5-milyones nga tungod sa kadaghan kay wala na kini nila gidala sa istasyon sa kapulisan ug gidispose nalang sa samang dapit.
Dugang pa nga gitanom kining mga marijuana sa buwag-buwag nga dapit nga usa sa mga estratehiya sa mga mananumay.
